“Интер”нинг ўтган мавсумдаги муваффақияти (клуб Суперкубог ва Италия кубогини қўлга киритди, шунингдек, Чемпионлар лигаси финалига чиқди) клубнинг мухлислари ҳозир “Милан”дан кўра кўпроқ бўлишига олиб келди. Ҳеч бўлмаганда расмий статистикада.

StageUP статистик агентлиги маълумотларига кўра, "нерадзуррилар" мухлислари сони тўрт миллиондан ошган - 4 017 500 киши, "Милан" мухлислари сони эса 3 943 000. Бундан бир йил олдин ҳаммаси аксинча эди.

Аммо барибир, Италиянинг энг машҳур клуби, ҳар ҳолда, Туриннинг “Ювентус”и бўлиб қолмоқда, у бир неча йиллардан бери А Серия чемпионлигини қўлга кирита олмаяпти.