Англия чемпионатининг 2-турида «Брентфорд» «Фулхем» дарвозасига жавобсиз учта гол урди. Улардан иккитасини иккинчи бўлимда «Брентфорд»нинг камерунлик ҳужумчиси Брайан Мбеумо киритди.
Маълум бўлишича, бу икки гол унга камерунлик футболчиларнинг Англия Премьер-лигасидаги рекордини такрорлаш имконини берди - жами ўн олтита гол.
Ҳозирча Мбеумо бу рекордни Жозеф-Дезире Жоб билан баҳам кўради. У 2000 йилдан 2006 йилгача «Мидлсбро»да ўйнаган.
Кейинги турда «Брентфорд» «Кристал Пэлас»га қарши ўйнайди.