"Порту" "Аякс" ва Мексика терма жамоаси ярим ҳимоячиси Хорхе Санчесни ижарага олиши мумкин. Бу ҳақда журналист Фабрицио Романо ўзининг “Twitter”ида хабар берди.
Манбага кўра, томонлар тез орада барча керакли ҳужжатларни имзолайди. Ижарага 4 миллион евро сотиб олиш банди киради, агар Санчес келаси мавсумда "Порту" таркибида камида 15 ўйин ўтказса, мажбурий бўлади.
2022/2023 йилги мавсумда ярим ҳимоячи “Аякс” сафида барча турнирлар доирасида 26 та ўйинда майдонга тушиб, 3 та гол ва 3 та голли узатмага муаллифлик қилган.
