«Ювентус» вингери Федерико Кьеза жамоанинг 2023/24 йилги мавсумдаги мақсади ҳақида гапирди.
«Биз статик ўйнамаймиз, кўп ҳаракат қиламиз. Мураббий биздан шуни талаб қилмоқда. Франческо Маньянелли келиши билан биз ушбу янги тактикани синаб кўрмоқдамиз.
Мураббий айтганидек, бу мавсумдаги мақсадимиз – Чемпионлар лигасига йўл олиш», - дея Кьезанинг сўзларини келтиради Football Italia.
А Сериянинг 1-турида «Ювентус» «Удинезе»ни йирик ҳисобда мағлуб этди (3:0). «Кекса синёра» навбатдаги ўйинни «Болонья»га қарши ўтказади.
