«Аталанта» ярим ҳимоячиси Алексей Миранчукнинг манфаатларини ҳимоя қилувчи агент Вадим Шпинёв футболчининг келажаги ҳақидаги саволга жавоб берди.
Аввалроқ «Торино» «Аталанта» билан 27 ёшли футболчининг трансфери борасида музокараларни қайта бошлагани хабар қилинганди. Эслатиб ўтамиз, ўтган мавсумни Миранчук Турин клубида ижара асосида ўтказган эди.
«Мен Миранчук ҳақидаги миш-мишларни ҳали тарқатмасликни сўраб қоламан. У билан ҳаммаси яхши бўлади, унинг «Аталанта» билан икки йиллик шартномаси бор», - дея Шпинёвнинг сўзларини келтиради Матч ТВ.
