«Манчестер Сити» «Вест Хэм» ярим ҳимоячиси Лукас Пакетани сотиб олиш таклифини рад этди, деб хабар беради Sky Sports.
Манбага кўра, ўтган ҳафтада 80 миллион фунт стерлинглик келишувга эришилганди. 20 август куни «Вест Хэм»га футболчининг ўйинларга пул тикиш қоидаларини бузганлиги учун тергов қилинаётгани ҳақида маълум қилинди. Шундан кейин «Сити» 25 ёшли футболчи билан шартнома имзолашдан бош тортди.
Пакета «Лион»дан 51 миллион фунт эвазига «Вест Хэм»га ўтган эди. Бразилиялик футболчи бу мавсумда АПЛнинг 2 та ўйинида 1 та гол урди. Унинг шартномаси 2027 йилнинг ёзига қадар мўлжалланган.
