"Барселона" вингери Абде Эззалзули ёзги трансфер ойнасида жамоани тарк этмайди. Нуфузли инсайдер Фабрицио Романонинг ижтимоий тармоқларда хабар беришича, каталонияликлар бошқа клубларнинг таклифларига қарамай, бу футболчига нисбатан ўз позициясини ўзгартирмаган.

Қайд этилишича, "Барселона" Абденинг трансфери бўйича тўртдан ортиқ клубдан сўровлар олган. Уларнинг барчаси рад жавобини эшитишди, чунки "кўк-анорранглилар" бош мураббийи Хави Эрнандес 21 ёшли футболчини таркибда сақлаб қолмоқчи.

Марокашлик "Барселона" сафида 14 та ўйин ўтказиб, битта гол урган.