"Барселона"нинг собиқ футболчиси Роналдиньога тегишли бўлган 18kRonaldinho компанияси фирибгарликда гумонланмоқда, деб хабар бермоқдла Sport.es нашри.
Манбага кўра, Бразилиялик собиқ футболчининг компанияси ўз мижозларига биткоинларга камида 30 доллар сармоя киритиш шарти билан кунига 2 фоиздан ортиқ фойда олишни ваъда қилган.
Мижозлар ваъда қилинган даромадни олмаган ва бир мунча вақт ўтгач, 18kRonaldinho компаниясига қарши жамоавий даъво аризаси берган. Улар маънавий ва моддий зарар учун 300 миллион Бразилия реали (тахминан 61,2 миллион доллар) талаб қилмоқда.
Роналдиньонинг ҳимоя томони собиқ футболчининг 18kRonaldinho билан алоқаси йўқлигини даъво қилмоқда. Унинг сурати ва исми фирибгарлар томонидан ноқонуний равишда ишлатилган.
