"Barselona"ning sobiq futbolchisi Ronaldinyoga tegishli bo‘lgan 18kRonaldinho kompaniyasi firibgarlikda gumonlanmoqda, deb xabar bermoqdla Sport.es nashri.
Manbaga ko‘ra, Braziliyalik sobiq futbolchining kompaniyasi o‘z mijozlariga bitkoinlarga kamida 30 dollar sarmoya kiritish sharti bilan kuniga 2 foizdan ortiq foyda olishni va’da qilgan.
Mijozlar va’da qilingan daromadni olmagan va bir muncha vaqt o‘tgach, 18kRonaldinho kompaniyasiga qarshi jamoaviy da’vo arizasi bergan. Ular ma’naviy va moddiy zarar uchun 300 million Braziliya reali (taxminan 61,2 million dollar) talab qilmoqda.
Ronaldinyoning himoya tomoni sobiq futbolchining 18kRonaldinho bilan aloqasi yo‘qligini da’vo qilmoqda. Uning surati va ismi firibgarlar tomonidan noqonuniy ravishda ishlatilgan.
