"Барселона" "Тоттенхэм" ярим ҳимоячиси Жовани ло Чельсо билан шартнома имзолай олмайди.
Журналист Тони Хуанмарти хабарига кўра, "шпорлар" раҳбарлари аргентиналик ярим ҳимоячини "кўк-анорранглилар"га ижарага беришдан бош тортган. Каталония клуби эса футболчини тўлақонли равишда сотиб ололмайди.
Қайд этилишича, агар “Тоттенхэм” бош мураббийи Анж Постекоглу Клеман Ланглени сотиб олишга қарор қилмаса, у ҳолда ло Чельсонинг “Барселона”га трансфери амалга ошмайди.
Эслатиб ўтамиз, Жовани 2019 йилдан бери "Тоттенхэм"да ўйнаб келмоқда, ўтган мавсумни "Вильярреал"да ижара асосида ўтказган. Transfermarkt портали 27 ёшли ярим ҳимоячининг нархини 14 миллион еврога баҳоламоқда.
