"Удинезе" ҳужумчиси Бету жорий трансфер ойнаси тугагунига қадар "Эвертон"га ўтиши мумкин. Бу ҳақда журналист Фабрицио Романо хабар бермоқда.
Манба берган хабарга кўра, Ливерпулликлар "Удинезе" футболчиси учун 25-26 миллион евро таклиф қилишга тайёр. "Эвертон" 25 ёшли ҳужумчини шу йилнинг январь ойидан бери кузатиб келмоқда.
Қайд этилишича, португалиялик ҳужумчининг шартномасида кўрсатилган товон пули 35 миллион еврони ташкил қилади.
2022/2023-йилги мавсумда Бету “Удинезе” сафида барча мусобақаларда 34 та ўйин ўтказиб, 10 та гол ва 2 та голли узатмага муаллифлик қилган. Футболчининг Италия клуби билан шартномаси 2026 йилнинг июнь ойи охиригача амал қилади.
