"Рома" "Челси" ҳужумчиси Ромелу Лукаку билан шартнома имзоламоқчи. Эслатиб ўтамиз, Жозе Моуриньо жамоаси бельгиялик футболчини кейинчалик сотиб олиш имконияти билан ижарага олмоқчи.

Журналист Фабрицио Романонинг сўзларига кўра, кейинги 48 соат “Челси” ва “Рома” ўртасидаги музокараларда муҳим аҳамиятга эга бўлади. “Кўклар" "Жаллоросси" Ромелунинг йилига деярли 20 миллион евро маошини тўлиқ қоплашини истамоқда.

Аввалроқ Лукаку “Интер”га ўтишни хоҳлаганди, бироқ “нерадзуррилар” футболчи Туриннинг “Ювентус” клуби билан музокара олиб бораётганини билгач, ундан воз кечди.