Франция терма жамоасининг собиқ футболчиси Жером Ротен "ПСЖ" ярим ҳимоячиси Марко Верраттини танқид қилди.

“Бу футболчи янги шартномага лойиқ эмас эди. Клуб у билан шартномани узайтириб хатога йўл қўйди. Энди "ПСЖ" уни кетишга мажбурлаш орқали бу хатони тузатиши керак бўлади. 60 фоиз ўйинларда ўйнайдиган ва 60-дақиқада чарчаган футболчини нега жамоада ушлаб туриш керак. У зиёфатни яхши кўради, чекади ва ичади. Бу клубнинг обрўсига путур етказади. Верратти ўз хатти-ҳаракатини ўзгартирмайди", деди Ротен RMC-Sport нашрига.

30 ёшли италиялик 2012 йилдан буён Париж грандида ўйнаб келмоқда. Унинг клуб билан шартномаси 2025/2026 йилги мавсум охиригача амал қилади.