ПСВ 2019 йилдан бери Италиянинг "Наполи" клубида тўп тепаётган жамоанинг собиқ ҳужумчиси Ирвинг Лосанони қайтаришга умид қилмоқда. Журналист Николо Скиранинг сўзларига кўра, Нидерландия клуби мексикалик учун 10 миллион евро тўлашга тайёр, аммо “Наполи” бундан кўпроқ сумма хоҳлайди.
2019 йилда неаполликлар Лосано учун 45 миллион евро тўлаган. Футболчи ҳозир 28 ёшда эканлигини инобатга олсак, Руди Гарсия жамоаси унинг учун 10 миллиондан ортиқ товон пули олишни истамоқда.
Ўтган мавсумда Лосано 32 ўйинда 3 та гол ва 3 та голли узатма билан "Наполи"га А Серия ғолиби бўлишга ёрдам берди.
