“Бенфика” клуби дарвозабони Одиссей Влаходимос фаолиятини Англия Премьер-лигасида давом эттириши мумкин.

A Bola хабарига кўра, "Манчестер Юнайтед"нинг Греция терма жамоасининг асосий дарвозабони учун рақобати "Ноттингем Форест" билан бўлади. Хабарларга кўра, "бургутлар" дарвозабоннинг трансфери учун камида 10 миллион евро, шунингдек, кейинги сотувининг фоизини сўрамоқда. "Ўрмончилар" шунингдек, "Вулверхэмптон"дан Хосе Сани сотиб олишни кўриб чиқмоқдалар, аммо Влаходимос устувор вариант ҳисобланади.

Эслатиб ўтамиз, Одиссей 2018 йилдан бери "Бенфика" сафида ўйнаб, Португалия чемпионатида иккита чемпионликни қўлга киритган. Transfermarkt портали 29 ёшли дарвозабоннинг нархини 16 миллион еврога баҳоламоқда.