Миланнинг "Интер" клуби яқин орада "Бавария" ҳимоячиси Бенжамин Паварни ўз сафига қўшиб олишига ишонмоқда. Журналист Фабрицио Романонинг сўзларига кўра, "қизил машина" тез орада французга тиббий кўрикдан ўтишга рухсат беришига ишончи комил.
Аввалроқ “Интер” “Бавария” билан Павар учун зудлик билан 28 миллион евро, келажакда эса бонуслар кўринишида яна 5 миллион евро тўлаш борасида келишиб олганди.
“Бавария” айни дамда “Челси” ҳимоячиси Трево Чалобини сотиб олиш борасида музокаралар олиб бормоқда. Мюнхенликлар ўйинчини ижарага олмоқчи, аммо "кўклар" бундай келишувга фақат мажбурий сотиб олиш варианти киритилган тақдирдагина рози бўлишади.
