Бугун ОФКда профессионал футбол қўмитасининг деярли 4 соат давом этган йиғилишида турли масалалар билан биргаликда, иштирокчи мамлакатлар учун ОЧЛ квоталари ҳам тасдиқланди. Ўзбекистон учун ОЧЛда "2+1" шаклида ўринлар берилганидан хабарингиз бор.

Қолган мамлакатлар қай тарзда ўринларга эга бўлди, деган савол туғилиши табиий. Демак, қолган квоталар қуйидагича тақсимланган:

ҒАРБ МИНТАҚАСИ:
Саудия Арабистони — 4та;
Қатар — 4;
Эрон — 3+1
БАА — 2+2;
Ўзбекистон — 1+1;
Иордания — 0+1;
Ҳиндистон* — 0+1.
Жами: 14+6

ШАРҚ МИНТАҚАСИ
Япония — 4та;
Жанубий Корея — 4;
Хитой — 4;
Ўзбекистон — 1;
Австралия — 0+3
Таиланд — 0+2
Сингапур* — 0+1
Жами: 13+6

Изоҳ: Ҳиндистон ва Сингапур миллий чемпионатида клубларни лицензиядан ўтказиш тартиби жорий қилинмагани учун, улар мусобақаларга қўйилмайди.

6 декабрь куни ОЧЛ ва ОФК кубоги ўйинларига қуръа ташланади. Шарқ минтақаси саралаш баҳслари учун ташланган қуръа натижасида битта жамоа тўғридан-тўғри гуруҳ босқичида иштирок этади. Ғарб минтақасида эса 2та ўрин учун 5та жамоа саралаш мусобақасида иштирок этади.

Яна бир янгилик. Февраль ойида бўлиб ўтадиган икки босқичдан иборат саралаш плей-офф ўйинларида ютқазган жамоа ОФК кубоги мусобақасига қўйилмайди! Ютқазган жамоалар учун халқаро мусобақа ўша заҳоти якунланади.