Москванинг «Динамо» клуби ҳужумчиси Муми Нгамалё фаолиятини Саудиянинг «Ал-Иттифоқ» клубида давом эттириши мумкин, деб хабар беради Africa Foot.
Манба берган хабарга кўра, ҳужумчининг хизматларига «Ал-Иттифоқ» бош мураббийи Стивен Жеррард қизиқмоқда.
Қайд этилишича, Нгамалё Саудия клуби билан музокараларни бошлаб юборган. Футболчига Франциянинг «Лион»и ва Германиянинг «Боруссия» клублари ҳам қизиқиш билдирмоқда.
Жорий мавсумда 29 ёшли камерунлик футболчи «Динамо» сафида 7 та ўйин ўтказиб, битта гол урди ва 3 та голли узатмани амалга оширди.
