“Айнтрахт” ва Франция терма жамоаси ҳужумчиси Рандал Коло-Муани немис клуби ва “ПСЖ” ўртасидаги уни сотиш масаласи бўйича узоқ давом этган музокаралар ҳақида гапирди.

"Умид қиламанки, "Айнтрахт" менга "ПСЖ"га ўтишимга имкон беради. Мен бу жамоага кўп қарздорман. Мен ҳар доим қўлимдан келганича ҳаракат қилганман. Лекин сир эмаски, "ПСЖ" менга рекорд таклиф билан чиқди, мен уларга қўшилишни хоҳлардим, чунки бу фаолиятимни ривожлантириш учун ажойиб имконият. Умид қиламанки, "Айнтрахт" "ПСЖ" билан келишувга рози бўлади", - дея Коло Муанининг сўзларидан иқтибос келтиради Sky Sports Germany.

24 ёшли Коло-Муани жорий мавсумда "Айнтрахт" сафида учта ўйинда майдонга тушиб, иккита гол уришга муваффақ бўлди.