Луис Рубиалес футболдан четлатилгани сабабли молиявий томондан қийналади.

Аввалроқ ФИФА Испания Қироллик футбол федерацияси (RFEF) раҳбарини испаниялик футболчи Женнифер Эрмосодан бўса олгани учун 90 кунга футбол билан боғлиқ ҳар қандай фаолиятдан четлатган эди.

Санкциялар натижасида Рубиалес нафақат RFEF, балки УЕФАдаги 3 ойлик маошидан ҳам маҳрум бўлади (унинг ташкилотлардаги йиллик маоши мос равишда 371 000 ва 250 000 еврони ташкил этади).

Бундан ташқари, федерация унга уй-жой ижараси учун ойига 3000 евро тўлашни тўхтатди, унга хизмат машинаси ва ҳайдовчидан фойдаланишни тақиқлади, шунингдек, RFEF президенти сифатида ишлатган барча расмий гаджетларни (ноутбуклар, планшетлар, смартфонлар) қайтаришни талаб қилди.