"МЮ" ва "Арсенал"ни ЕЧЛда, сунъий онгнинг тахминига кўра, оғир гуруҳ баҳслари кутиб турибди. Суперкомпьютер пайшанба куни бўлиб ўтадиган Монако шаҳридаги ЕЧЛга қуръа ташлаш маросимини шу йўсинда тахмин қилган. Тўғри, ҳали айрим жамоалар саралаш баҳсларидан ўтиши керак. Шундай бўлсада, қурилма уларнинг энг кучлиларини танлаб олиб, гуруҳга жойлаштирди. Тахмин қилинган натижалар "МЮ" ва "Арсенал"ни даҳшатлар кутаётганидан далолат беради. Бу жамоаларнинг ҳар бири иккинчи саватчадан жой олиши белгиланган. "Манчестер Юнайтед" шундай пайтда Кейннинг "Бавария"си, "Милан" ва "Селтик" билан тўқнаш келиши айтилган.
Микель Артета бошчилигидаги тўпчилар эса "Барселона", "Рейнжерс" ҳамда "Галатасарай" тўсиғидан ўтиши талаб этилади.
Амалдаги чемпионлар бўлмиш "Манчестер Сити" июнь ойидаги финал рақобатчиси "Интер", доимий гуруҳ рақиби "Шахтёр" ҳамда "Реал Сосьедад" билан баҳс бойлайди. 20 йил ичида илк бор турнирга қайтган "Ньюкасл Юнайтед" учун ҳам ёмон хабарлар мавжуд. Хусусан, бу клуб ЕЧЛнинг 14 карра ғолиби бўлган "Реал", Париж гиганти "ПСЖ" ҳамда Сербиянинг "Црвена Звезда" жамоаларига қарши чиқишига мажбур бўлади.
Бошқа томонларда "Наполи" ва "Порту" А гуруҳи етакчилиги учун куч синашса, "Севилья" ҳамда "Лейпциг" айни шу ишни Д гуруҳида қилиши керак.
Мусобақа дебютантларидан бўлган Франциянинг "Ланс" клуби "Фейеноорд", "Боруссия Дортмунд" ҳамда "Лацио"га рақиб бўлади. "Унион Берлин" эса гуруҳдан чиқиш учун "Бенфика", "Атлетико" ҳамда "Копенгаген"га қарши туришига тўғри келади.
Эслатиб ўтамиз, асл қуръа ташлаш маросими 31 августь куни Монако шаҳридаги Грималди Форумлар Саройида ташкил этилиши кўзда тутилган. Европа лигаси ва Конференсиялар лигаси учун қуръа эса бир кун ўтиб, жума куни содир бўлади.
ЕЧЛ янги мавсуми учун суперкомпьютер тахмини:
А гуруҳи
"Наполи"
"Порту"
"Зальцбург"
"Антверпен"
B гуруҳи
"Бавария"
"МЮ"
"Милан"
"Селтик"
C гуруҳи
"ПСЖ"
"Реал"
"Црвена звезда"
"Ньюкасл"
D гуруҳи
"Севилья"
"Лейпциг"
"Брага"
"Янг Бойз"
E гуруҳи
"Арсенал"
"Барселона"
"Рейнжерс"
"Галатасарай"
F гуруҳи
"Манчестер Сити"
"Интер"
"Шахтёр"
"Реал Сосьедад"
G гуруҳи
"Боруссия Дортмунд"
"Фейеноорд"
"Лацио"
"Ланс"
H гуруҳи
"Атлетико"
"Унион"
"Бенфика"
"Копенгаген"
ИСМАТОВ Ж.
