"MYU" va "Arsenal"ni YECHLda, sun’iy ongning taxminiga ko‘ra, og‘ir guruh bahslari kutib turibdi. Superkompyuter payshanba kuni bo‘lib o‘tadigan Monako shahridagi YECHLga qur’a tashlash marosimini shu yo‘sinda taxmin qilgan. To‘g‘ri, hali ayrim jamoalar saralash bahslaridan o‘tishi kerak. Shunday bo‘lsada, qurilma ularning eng kuchlilarini tanlab olib, guruhga joylashtirdi. Taxmin qilingan natijalar "MYU" va "Arsenal"ni dahshatlar kutayotganidan dalolat beradi. Bu jamoalarning har biri ikkinchi savatchadan joy olishi belgilangan. "Manchester Yunayted" shunday paytda Keynning "Bavariya"si, "Milan" va "Seltik" bilan to‘qnash kelishi aytilgan.
Mikel Arteta boshchiligidagi to‘pchilar esa "Barselona", "Reynjers" hamda "Galatasaray" to‘sig‘idan o‘tishi talab etiladi.
Amaldagi chempionlar bo‘lmish "Manchester Siti" iyun oyidagi final raqobatchisi "Inter", doimiy guruh raqibi "Shaxtyor" hamda "Real Sosyedad" bilan bahs boylaydi. 20 yil ichida ilk bor turnirga qaytgan "Nyukasl Yunayted" uchun ham yomon xabarlar mavjud. Xususan, bu klub YECHLning 14 karra g‘olibi bo‘lgan "Real", Parij giganti "PSJ" hamda Serbiyaning "Srvena Zvezda" jamoalariga qarshi chiqishiga majbur bo‘ladi.
Boshqa tomonlarda "Napoli" va "Portu" A guruhi yetakchiligi uchun kuch sinashsa, "Sevilya" hamda "Leypsig" ayni shu ishni D guruhida qilishi kerak.
Musobaqa debyutantlaridan bo‘lgan Fransiyaning "Lans" klubi "Feyenoord", "Borussiya Dortmund" hamda "Lasio"ga raqib bo‘ladi. "Union Berlin" esa guruhdan chiqish uchun "Benfika", "Atletiko" hamda "Kopengagen"ga qarshi turishiga to‘g‘ri keladi.
Eslatib o‘tamiz, asl qur’a tashlash marosimi 31 avgust kuni Monako shahridagi Grimaldi Forumlar Saroyida tashkil etilishi ko‘zda tutilgan. Yevropa ligasi va Konferensiyalar ligasi uchun qur’a esa bir kun o‘tib, juma kuni sodir bo‘ladi.
YECHL yangi mavsumi uchun superkompyuter taxmini:
A guruhi
"Napoli"
"Portu"
"Zalsburg"
"Antverpen"
B guruhi
"Bavariya"
"MYU"
"Milan"
"Seltik"
C guruhi
"PSJ"
"Real"
"Srvena zvezda"
"Nyukasl"
D guruhi
"Sevilya"
"Leypsig"
"Braga"
"Yang Boyz"
E guruhi
"Arsenal"
"Barselona"
"Reynjers"
"Galatasaray"
F guruhi
"Manchester Siti"
"Inter"
"Shaxtyor"
"Real Sosyedad"
G guruhi
"Borussiya Dortmund"
"Feyenoord"
"Lasio"
"Lans"
H guruhi
"Atletiko"
"Union"
"Benfika"
"Kopengagen"
ISMATOV J.
