"Вердeр" ҳужумчиси Никлас Фюллькруг Дортмунднинг "Боруссия"сига ўтишга яқин турибди. Бу ҳақда Bild хабар бермоқда.
Манбанинг хабарига кўра, форварднинг трансфер суммаси бонуслар қўшилган ҳолда тахминан 13 миллион еврони ташкил қилади. Бугун, 31 август куни Фюллькруг "Боруссия"га ўтишини расмийлаштириш учун тиббий кўрикдан ўтиши керак.
30 ёшли Фюллькругнинг "Вердер" билан шартномаси 2025 йилнинг июнига қадар тузилган.