"Вердер" ярим ҳимоячиси Дикени Салифу фаолиятини "Ювентус"да давом эттириши мумкин. Бу ҳақда журналист Николо Шкира хабар берди.
Манбанинг хабарига кўра, Турин клуби 20 ёшли футболчининг трансфери борасида "Вердер" билан музокараларнинг илғор босқичида. Салифунинг ўзи билан Италияга кўчиб ўтиш бўйича келишувга эришилган. Қайд этилишича, ярим ҳимоячи кейинчалик сотиб олиш имконияти билан "Ювентус"га ижарага ўтиши мумкин.
Салифу “Вердер”нинг асосий жамоаси сафида бор-йўғи битта расмий ўйин ўтказиб, самарали ҳаракатлари билан гол ура олмаган. Transfermarkt портали ёш футболчини 200 минг еврога баҳоламоқда.
