«Монако» бош мураббийи Ади Хюттер Франция чемпионатининг 4-тури доирасида «Ланс»ни мағлуб этганидан сўнг (3:0) жамоанинг мавсумдаги мақсадини айтди.
«Албатта, бу мавсумда еврокубокларда ўйнаш имконига эга бўлмаслигимиз жуда ачинарли, аммо ички чемпионат ва Франция кубогида бор кучимизни берамиз.
Балки бу ҳар бир учрашувга алоҳида тайёргарлик кўришимизга имкон беради. Аммо шу билан бирга, бизнинг мақсадимиз кейинги мавсумда еврокубокларга қайтишдир», - дея Хюттернинг сўзларини келтиради клуб матбуот хизмати.
