«Monako» bosh murabbiyi Adi Xyutter Fransiya chempionatining 4-turi doirasida «Lans»ni mag‘lub etganidan so‘ng (3:0) jamoaning mavsumdagi maqsadini aytdi.

«Albatta, bu mavsumda yevrokuboklarda o‘ynash imkoniga ega bo‘lmasligimiz juda achinarli, ammo ichki chempionat va Fransiya kubogida bor kuchimizni beramiz.

Balki bu har bir uchrashuvga alohida tayyorgarlik ko‘rishimizga imkon beradi. Ammo shu bilan birga, bizning maqsadimiz keyingi mavsumda yevrokuboklarga qaytishdir», - deya Xyutterning so‘zlarini keltiradi klub matbuot xizmati.