«Манчестер Юнайтед»нинг собиқ ҳимоячиси Гари Невилл «қизил иблислар»нинг сотувдан олиб ташланиши мумкинлиги ҳақидаги хабарларга муносабат билдирди.
«Глейзерлар ҳеч нарса қилмаслигига ишонмайман. Улар нимадир қилишлари керак. Уларнинг пули тугади. Молиявий аҳвол жуда ёмон. Уларга сармоя керак», — деб ёзди Невилл ижтимоий тармоқдаги саҳифасида.
Аввалроқ, «Манчестер Юнайтед»га эгалик қилувчи Глейзерлар оиласи муносиб таклифлар бўлмагани учун клубни сотувдан олиб ташлашга қарор қилгани ҳақида хабар берилганди. Қайд этилишича, тадбиркорлар 2025 йилда жамоани сотишга яна қайтишлари мумкин.













