Бугун "Ливерпуль" АПЛнинг 4-турида "Астон Вилла"ни 3:0 ҳисобида мағлуб этди. Голлардан бирининг муаллифи мерсисайдликлар жамоаси ҳужумчиси Муҳаммад Салоҳ бўлди.
Эслатиб ўтамиз, Салоҳ АПЛдаги сўнгги 10та ўйиннинг ҳар бирида гол урган ёки шеригига самарали узатма берган. Opta портали хабарига кўра, Салоҳнинг ўзи ҳам худди шундай серияга эга бўлган охирги Премьер-лига футболчиси бўлган. 2021-йилнинг августидан декабригача мисрлик футболчи АПЛнинг 15 ўйинида гол урган ёки голли узатма берган.
"Ливерпуль" навбатдаги АПЛ ўйинини 16-сентябрь, шанба куни "Вулверхэмптон "га қарши ўтказади.
