"Лион" мухлислари жамоа бош мураббийи Лоран Бланга мурожаат қилишди. Улар буни баннер тайёрлаб, "ПСЖ" билан якшанба кунги ўйинда "Лион"нинг уй аренаси трибуналарига осиб қўйишди.

"Лоран Блан, агар эркак бўлсанг, истеъфога чиқ!" - деб ёзув туширилган баннерни осиб қўйишди.

"Лион" мухлисларининг Бланга бўлган даъволари эса асоссиз эмас. "ПСЖ" (1:4) билан ўйингача бўлиб ўтган уч ўйинда "Лион" "Страсбург" (1:2), "Монпелье" (1:4), "Ницца" (0:0) бир очко жамғарди.

Франция чемпионатининг навбатдаги турида "Лион" ўз майдонида "Гавр"га қарши баҳс олиб боради.