"Барселона" ҳужумчиси Жоау Феликс "кўк-анорранглилар" сафидаги дебюти ҳақидаги таассуротлари билан ўртоқлашди. Эслатиб ўтамиз, кечаги "Барселона" - "Осасуна" учрашувида португалиялик футболчи 10 дақиқа давомида майдонда ҳаракат қилди, Хави шогирдлари ўйинда 2:1 ҳисобида ғалаба қозонди.
“Барселона” сафида дебют қилганимдан ва ғалаба қозонганимиздан жуда хурсандман. Биз қаттиқ ишлашда давом этамиз. Олға, жамоа!”, – деб ёзди португалиялик ижтимоий тармоқларида.
Феликс ёзда "Барселона"га ўтиш учун бор кучини сарфлади. У ижара асосида каталонияликлар сафига бориб қўшилди.
