"Barselona" hujumchisi Joau Feliks "ko‘k-anorranglilar" safidagi debyuti haqidagi taassurotlari bilan o‘rtoqlashdi. Eslatib o‘tamiz, kechagi "Barselona" - "Osasuna" uchrashuvida portugaliyalik futbolchi 10 daqiqa davomida maydonda harakat qildi, Xavi shogirdlari o‘yinda 2:1 hisobida g‘alaba qozondi.
“Barselona” safida debyut qilganimdan va g‘alaba qozonganimizdan juda xursandman. Biz qattiq ishlashda davom etamiz. Olg‘a, jamoa!”, – deb yozdi portugaliyalik ijtimoiy tarmoqlarida.
Feliks yozda "Barselona"ga o‘tish uchun bor kuchini sarfladi. U ijara asosida kataloniyaliklar safiga borib qo‘shildi.
