АҚШда «Интер Майами»да тўп тепаётган ҳужумчи Лионель Месси «Лос-Анжелес» устидан қозонилган ғалабадан сўнг (3:1) мухлисларга мурожаат қилди. Ушбу учрашувда аргентиналик футболчи голли узатмалар бўйича дубл қайд этди.
«Маҳаллий мухлисларда яна катта таассурот қолдирдим. Менга кўрсатган ҳурматлари учун уларга раҳмат айтаман.
Бу менинг сафардаги биринчи ўйиним эмас ва мени ҳамма жойда жуда яхши кутиб олишяпти, бундан хурсандман», - деди Лео.
Месси шу ёзда «Интер Майами»га ўтди ва 2025 йил охиригача шартнома имзолади. Лионель жамоа сафида 11 та учрашувда 11 та гол урди ва 5 та голли узатмани амалга оширди.
