"Манчестер Юнайтед"нинг собиқ дарвозабони Петер Шмейхелнинг фикрича, "қизил иблислар"нинг 1-рақамли футболчиси Андре Онана "Арсенал" ярим ҳимоячиси Деклан Райснинг киритган голига тўсқинлик қилиши керак эди.
"Манчестер Юнайтед" кеча "Эмирейтс"да 3:1 ҳисобида мағлуб бўлди ва қўшиб берилган дақиқаларда иккита гол ўтказиб юборди.
"Арсенал"нинг янги аъзоси Деклан Райс Жонни Эванснинг қайтарган тўпини Онана қўриқлаётган дарвозанинг яқин бурчакка йўллаб, ҳал қилувчи голга муаллифлик қилди. Шмейхелнинг фикрича, бу эпизодда Андре яхшироқ ўйнаши керак эди.
— Таърифлашга сўз ожиз... ҳайратдаман! Бундай ўйинда мағлуб бўлиш даҳшатли. Ўйин охирида "Манчестер Юнайтед" бурчакда жуда ёмон ҳимояланди, Деклан Райс жуда қулай вазиятга эга бўлди ва дарвозабон бу зарбани қайтариши керак эди", - деди Шмейхель Daily Express билан суҳбатда.
