Хави 2023/2024 йилги мавсум якунланганидан кейин "Барселона" бош мураббийи сифатида ишлашда давом этади.

Испаниянинг Sport нашри хабарига кўра, ёш мутахассис билан янги шартнома масаласи деярли ҳал бўлган. Хавининг янги шартномаси 2026 йилнинг июнь ойи охиригача мўлжалланган.

Қайд этилишича, “Барселона” спорт директори Деку трансфер бозоридаги оғир ишлардан сўнг бир неча кун дам олган. Португалиялик мутахассис ишга қайтса, Хави билан шартнома узайтирилиши расман эълон қилиниши мумкин.

Эслатиб ўтамиз, ўтган мавсумда Хави бошчилигида "Барселона" Испания чемпионига айланганди.