Дортмунднинг "Боруссия" клуби ярим ҳимоячиси Торган Азар фаолиятини ватанида давом эттириши мумкин, дея хабар беради Nieuwsblad.
Манбага кўра, "Андерлехт" футболчи билан боғланган, аммо унинг маоши сезиларли даражада камайиши қайд этилган - немис клубида у бир мавсумда беш миллион евро олади.
30 ёшли футболчининг "Боруссия" билан шартномаси жорий мавсум охиригача мўлжалланган. Transfermarkt уни етти миллион еврога баҳоламоқда.
Бельгиялик футболчи ўтган мавсумнинг иккинчи ярмини Нидерландиянинг ПСВ клубида ижара асосида ўтказди.
2023/24 йилги мавсумда Азар атиги 6 дақиқа майдонда ўтказди.
Бельгияда трансфер ойнаси 6 сентябр куни ёпилади.
