"Тоттенхэм" ярим ҳимоячиси Тангуй Ндомбеле тез орада "Галатасарой"нинг янги футболчиси сифатида таништирилади.

Аввал хабар қилинганидек, келишув тўлиқ келишиб олинган, эндиликда ярим ҳимоячи ўтиш жараёнини якунлаш учун Туркияга етиб келди, дея хабар беради инсайдер Фабрицио Романо. Тез орада трансфер расман тасдиқланади. Кутилганидек, "Галатасарой" 26 ёшли франциялик футболчини "Тоттенхэм"дан кейинроқ сотиб олиш ҳуқуқи билан ижарага олади.

Тангуй Ндомбелега аввалроқ Италиянинг "Женоа" ва "Интер" клублари қизиқиш билдирган эди. Футболчининг "шпорлар" билан шартномаси 2025 йилнинг ўрталарига қадар тузилган.