"Манчестер Юнайтед" марказий ҳимоячиси Гарри Магуайр ўз устуворликларини ўзгартирмади. Англиялик футболчи бош мураббий Эрик тен Хагнинг ишончсизлигига қарамай, асосий таркиб учун курашни давом эттирмоқчи.
Журналист Фабрицио Романонинг фикрича, умидсизликка учраган вазиятга қарамай, Магуайр таслим бўлиш ниятида эмас. Англиялик футболчи ўйин амалиётининг йўқлиги унинг Европа чемпионатига чиқиш имкониятига путур етказиши мумкинлигини тушунади, аммо футболчи барибир "Манчестер Юнайтед"да қолишни истайди.
Эслатиб ўтамиз, ёзда Магуайр 30-35 миллион евро эвазига "Вест Хэм"га ўтиши мумкин эди, бироқ якунда трансфер амалга ошмай қолди.
