Москванинг «Локомотив» клуби Ўзбекистон миллий терма жамоаси ҳужумчиси Жалолиддин Машариповга қизиқиш билдирмоқда.
Бу ҳақда бирданига бир нечта манбалар, хусусан, «Инсайды от Карпа» телеграм канали хабар бермоқда. Москва клуби 30 ёшли футболчи билан шартнома имзолаш имкониятини ўрганмоқда.
Айни дамда Машарипов эркин агент мақомида. Ёзда ўзбекистонлик футболчи «Ан-Наср»ни тарк этганди.
Яқинда Эроннинг Borna News сайти Машарипов агентлари орқали “Персеполис”га ўтмоқчилигини маълум қилганди.
Жалолиддин Теҳрон клуби билан йилига 500 минг долларлик шартнома имзолашга ҳам тайёр.
