"Интер Майами" ҳужумчиси Лионель Месси ЖЧ-2026 саралаш босқичи ўйинлари учун Аргентина терма жамоаси жойлашган жойга етиб келди, деб хабар бермоқда Аргентина терма жамоаси матбуот хизмати.
Олдинроқ 36 ёшли Месси ЖЧ-2022 унинг фаолиятидаги сўнггиси эканини айтганди. Эслатиб ўтамиз, Лионель жанубий америкаликларнинг Қатарда бўлиб ўтган ЖЧ-2022да сардори бўлган эди.
Сентябрь ойида Аргентина терма жамоаси жаҳон чемпионати саралаши доирасида иккита ўйин ўтказади. Аргентиналиклар Эквадор ва Боливия терма жамоалари билан куч синашади. Саралаш ўйинлари 8 ва 12 сентябрь кунлари бўлиб ўтади.
Аргентина терма жамоаси бош мураббийи Лионель Скалони жами 32 нафар футболчини терма жамоага чақирди.
