"Вест Хэм" Жон Хейтинга, Марк Робсон ва Генри Ньюманни Дэвид Мойесга ёрдамчи мураббий этиб тайинлаганини эълон қилди. Улар Билли МакКинли, Кевин Нолан ва дарвозабонлар мураббийи Хави Валерони ўз ичига олган мураббийлар штабига қўшилишди.
Нидерландия терма жамоасининг собиқ футболчиси Хейтинга шу йилнинг июнигача “Аякс” бош мураббийи вазифасини бажарувчи сифатида ишлаган. У 14 йил аввал "Эвертон"да футболчи сифатида бирга ишлаган Мойес билан яна бирлашди.
Робсон клуб академиясининг етакчи менежери лавозимидан ўтди, у 2021 йил ноябрь ойида "Питерборо Юнайтед"дан клубга қўшилган, Ньюман аввал тўрт йил давомида таҳлилчи бўлиб ишлаган.
“Мен Жонни “Вест Хэм”га, шунингдек, Марк ва Генрини асосий жамоага олмоқчиман. Мен Жонни анчадан бери биламан. У "Аякс" академиясида мураббийлик фаолиятини бошлаган ва асосий жамоага ўтганидан бери жуда яхши тажриба тўплади. Марк ва Генри аллақачон клубда ҳаммага таниш ва бизнинг таркибимизда ўз муносиб ўрнини эгаллаш имкониятини қўлга киритишди", - деди Мойес.
