"ПСЖ"нинг франциялик 24 ёшли ҳужумчиси Килиан Мбаппе Париж клубидаги собиқ шериги ҳимоячи Серхио Рамоснинг "Севилья"га ўтганига муносабат билдирди.
"Дўстим, омад тилаймиз. Қирол қайтди", — деб ёзди Мбаппе ижтимоий тармоқлардан бирида.
37 ёшли Рамос 18 йилдан сўнг ўз клубига қайтиб, бир йиллик шартнома имзолади. Ҳимоячи 2005 йилда "Севилья"дан "Реал"га ўтган эди.
Рамос шу йилнинг июнь ойида "ПСЖ"ни тарк этганидан бери эркин агент мақомига эга. 2022/2023 йилги мавсумда ҳимоячи парижликлар сафида барча мусобақаларда 45 та ўйинда майдонга тушиб, 4 та гол урган.
