"ПСЖ", "Ницца" ва "Лилль" клубларининг собиқ бош мураббийи Кристоф Галтье фаолиятини Яқин Шарқда давом эттириши мумкин.
Қатарнинг “Ал-Дуҳаил” клуби франциялик мутахассис билан музокара олиб бормоқда. Николо Скиранинг сўзларига кўра, Галтьега 2025 йилга қадар катта маошли шартнома ва уни яна бир мавсумга узайтириш имконияти таклиф қилинган.
Эслатиб ўтамиз, 57 ёшли франциялик мутахассиснинг аввалги иш жойи "ПСЖ" бўлиб, у ўтган мавсум охирида ишдан бўшатилганди. Париж клубида Кристоф бор-йўғи иккита соврин - чемпионлик ва Франция Суперкубогини қўлга кирита олди.
