"Барселона" жамоасининг собиқ ҳужумчиси Боян Кркич "кўк-анорранглилар" таркибига ишга киради. Бу ҳақда Mundo Deportivo нашри хабар бермоқда. У Деку бошчилигидаги спорт бўлимида иш бошлайди.
Боян бошқа клубларда ижара асосида ўйнаётган "Барселона" ёшларини кузатиб боради. Бундан ташқари, унинг вазифаларига академия талабаларини асосий жамоага ўтказиш киради.
Кркич "Барселона" футбол мактаби битирувчиси. Футболчилик фаолияти давомида у Европанинг кўплаб клубларини ўзгартирди. Фаолиятининг охирида ҳужумчи МЛС ва Япония чемпионатида ўйнади. Испания терма жамоасида битта ўйин ўтказган.
