"Barselona" jamoasining sobiq hujumchisi Boyan Krkich "ko‘k-anorranglilar" tarkibiga ishga kiradi. Bu haqda Mundo Deportivo nashri xabar bermoqda. U Deku boshchiligidagi sport bo‘limida ish boshlaydi.
Boyan boshqa klublarda ijara asosida o‘ynayotgan "Barselona" yoshlarini kuzatib boradi. Bundan tashqari, uning vazifalariga akademiya talabalarini asosiy jamoaga o‘tkazish kiradi.
Krkich "Barselona" futbol maktabi bitiruvchisi. Futbolchilik faoliyati davomida u Yevropaning ko‘plab klublarini o‘zgartirdi. Faoliyatining oxirida hujumchi MLS va Yaponiya chempionatida o‘ynadi. Ispaniya terma jamoasida bitta o‘yin o‘tkazgan.
