"Манчестер Сити"нинг АПЛни 4-турида "Фулхэм"га қарши ўйиндаги иккинчи голи бекор қилиниши керак эди. Бу ҳақда Премьер-лига ҳакамлари раҳбари Ховард Уэбб айтиб ўтди.
"Гол бекор қилиниши керак эди. Ўша пайтда Аканжи дарвозабон Бернд Ленога босим ўтказаётганди. Ҳакамлар бригадаси буни дарҳол кўрмаган бўлиши мумкин, аммо ўйинни такрорий томоша қилганда, дарвозабон иккиланиб тургани аниқ. У тўп Аканжига тегиб кетмаслигини кутаётган эди", - деди Уэбб Daily Mail билан суҳбатда.
Эслатиб ўтамиз, учрашувни Майкл Оливер бошчилигидаги ҳакамлар гуруҳи бошқарган. Беллашув Манчестер шаҳрида бўлиб ўтди ва Хосеп Гвардиола жамоасининг 5:1 ҳисобидаги йирик ғалабаси билан якунланди.
