Қанот ҳужумчиси Торган Азар Дортмунднинг “Боруссия” клубини “Андерлехт”га алмаштирди.

Бельгия клуби 30 ёшли футболчини ўзининг янги футболчиси сифатида расман таништирди. Трансфер нархи 4 миллион еврога баҳоланмоқда.

Торган Азар 2019/20 йилги мавсум бошланишидан олдин Мёнхенгладбахнинг “Боруссия”сидан 25,5 миллион евро эвазига “Боруссия Дортмунд” сафига қўшилган эди. Бельгиялик футболчи барча мусобақаларда "асаларилар" сафида 123 та ўйинда майдонга тушиб, 18 та гол ва 21 та голли узатмага муаллифлик қилган.