Ёзда "Барселона"дан "ПСЖ"га ўтган қанот ҳужумчиси Усмон Дембеле қишки трансфер ойнасида Парижни тарк этиши мумкин.
Todofichajes нашрининг хабарига кўра, Франция чемпиони ҳужумкор ўйинчиларнинг кўплиги туфайли футболчидан қутулишни режалаштирган.
Манба берган хабарга кўра, Дембеле фаолиятини Туманли Альбионда давом эттириши мумкин. Усмоннинг агенти “Манчестер Юнайтед”, “Ливерпуль” ва “Ньюкасл” клублари билан потенциал шартнома борасида музокаралар олиб бормоқда.
26 ёшли футболчи август ойи ўрталарида “ПСЖ”га келиб, 5 йиллик шартнома имзолаган эди. Унинг трансфери учун товон пули 50 миллион еврони ташкил қилди.
