Каталониянинг «Барселона» клуби ярим ҳимоячи Педри билан шартномани узайтиришни режалаштирмоқда.

Иқтидорли ярим ҳимоячининг амалдаги шартномаси 2026 йилнинг ёзида якунига етади, шу боис раҳбарият бошқа клубларнинг трансфер уринишларидан хавотирда.

Журналист Серхи Капдевила ижтимоий тармоқларда «Барселона» ҳақиқатан ҳам келаси ёзда Педри билан янги шартнома бўйича музокараларни бошлашни режалаштираётганини айтди.

Ярим ҳимоячи жамоанинг энг қимматли активларидан бири саналади, шу боис унинг маошини қисқартиришга уринишлари даргумон.

Педри ҳозирда бир неча ҳафтага сафдан чиққан ва жароҳатидан фориғ бўлмоқда.