Пайшанба куни «Вест Хэм» «Ипсвич»га қарши ўртоқлик ўйини ўтказади.
Daily Mail хабарига кўра, Лондон клубида ҳужумкор ярим ҳимоячи Жесси Лингард ўйнайди. У ҳозирда «болғачилар» билан машғулот ўтказмоқда, бироқ клуб таркибида ишлаш учун рухсатномага эга эмас.
Қайд этилишича, «Вест Хэм» 30 ёшли Лингард билан қисқа муддатли шартнома имзолашни кўриб чиқмоқда.
Эслатиб ўтамиз, 2022/2023 йилги мавсум якунида Жесси Лингард шартнома муддати тугагани сабабли «Ноттингем Форест»ни тарк этганди.
2021 йилда Лингард «Вест Хэм»да ижара асосида ўйнаган. У 16 ўйин ўтказиб, тўққизта гол урди ва бешта голли узатмани амалга оширди.
