"Бавария" ярим ҳимоячиси Жамол Мусиала Германия терма жамоасига яқин ўртадаги ўйинларида ёрдам бермайди. Бу ҳақда мюнхенликлар жамоаси матбуот хизмати хабар берди.

Қайд этилишича, футболчи бел қисмидаги жароҳатдан тикланишда давом этмоқда, шу сабабли у терма жамоа жойлашган жойга кела олмайди.

20 ёшли ярим ҳимоячи Германия терма жамоаси сафида 23 та ўйин ўтказиб, битта гол урган ва 3 та голли узатмани амалга оширган.

9 сентябрь куни Германия терма жамоаси Японияга қарши ўртоқлик ўйини ўтказса, 12 сентябрь куни синов-назорат ўйини доирасида Францияга қарши майдонга тушади.